ЗА ЧЕТИРИ ГОДИНИ СКЛУЧЕНИ 92 МЕМОРАНДУМИ ЗА СОРАБОТКА СО КОМПАНИИ ЗА ПРАКТИЧНА ОБУКА

После првата соработка со ЕВН МАКЕДОНИЈА, Скопје, средното стручно училиште СЕТУ „Михајло Пупин“, Скопје, за четири години, склучи 92 меморандуми за соработка со големи, средни и мали компании /претпријатија каде учениците ја реализираат феријалната практика, учењето преку работа и практичната работа за стекнување стручни знаења и вештини на реално работно место.  Во дел од компаниите, учениците се образуваат преку дуалниот модел на образование, што претставува најефикасен пристап за обезбедување на стручен кадар по мерка на бизнисот.

Соработката со компаниите се остварува за повеке квалификации како Електротехничар за компјутерска техника и автоматика, Електротехничар за електроника и телекомуникации, Електротехничар енергетичар, Електромеханичар и Електричар-електромонтер на енергетски мрежи, а ваквиот пристап на соработка овозможува полесна транзиција на учениците од училишната кон работната средина и побрзо прилагодување на работните процеси во компаниите.

Соработката на училиштето и компаниите е зајакната и со учество на заеднички проекти и донации што е во интерес на професионалниот и личниот развој на учениците.