МЛАДИТЕ ИСТРАЖУВАЧИ ОД РЕПУБЛИКА СЕВЕРНА МАКЕДОНИЈА

Средното училиште „Нико Нестор“ од Струга на 23.09.2022 година, во присуство на министерот за образование и наука, Јетон Шаќири, и директорот на Нароодна техника,  Перо Митев, беше домаќин на едукативната изложба на школата за истражувачки и иновативни проекти на наградените ученици од средните училишта од одржаниот 58 државен натпревар на младите истражувачи од Република Северна Македонија 2022.  Ваквите ученички натпревари се важна воннаставна активност што ги надградува знаењата и вештините на младите од државата. Преку натпреварите учениците се стекнуваат со поголеми искуства во одредена област, го зајакнуваат натпреварувачкиот дух и поставуваат цврсти темели во остварувањето на своите соништа.

СОУ „Нико Нестор“ како училиште, дава целосна поддршка на ваквите настани, затоа што смета дека ваквите ученици, учесници на натпревари, го издигнуваат образованието во нашата држава на едно повисоко ниво. Глетката во училишниот двор, опколена од  млади ентузијасти кои своите проекти ги претставија во најдобро светло, изобилуваше со позитивна енергија, насмевки и набљудувачи. Учениците разменија вештини кои поттикнаа зајакнување на нивните знаења од областа на применети природни и технички науки.

Во таа прилика, СОУ „Нико Нестор“ упати честитки до организацијата на Народната техника која годинава го одбележува својот 75 – годишен јубилеј на постоење. Училиштето се надева на поголеми соработки и проекти во иднина!

• Нароодна техника
• училиште