ЧЕТВОРИЦА МАКЕДОНСКИ СРЕДНОШКОЛЦИ ОСВОИЈА БРОНЗЕНИ МЕДАЛИ НА МЕЃУНАРОДНАТА ОЛИМПИЈАДА ПО ПРИРОДНИ НАУКИ ВО КОЛУМБИЈА

23 февруари 2023

Преку образовниот процес, учениците се стекнуваат со теоретски знаења, но истите ќе станат употребливи доколку можат да се применат и во праксата. Тоа го покажа и Даниел Христов, ученик во прва година во гимназијата „Славчо Стојменски“ од Штип, кој заедно со уште тројца средношколци, освои бронзен медал на меѓународната олимпијада, IJSO- Интернационална јуниорска олимпијада по природни науки, во Богота, Р. Колумбија, што се одржа од 02.12.2022 до 12.12.2022 година. На олимпијадата се натпревауваа 46 држави од светот, со по шест претставници (14 и 15 годишна возраст) од секоја држава, кои, во текот на три дена решаваа тестови на знање од областа на биологија, физика и хемија, (теоретски и практичен- експериментален дел).

Патот до еден ваков светски натпревар е резултат на два селекциони натпревари, по коишто следувале напорни теоретски и практични подготовки со професори од Природно-математичкиот факултет при УКИМ, Скопје.

Учеството на олимпијадата на средношколецот Даниел Христов, било финансиски потпомогнато и од неколку општествено одговорни компании.

Ваквите успешни ученици претставуваат идниот потенцијал на стручен кадар во општествениот и реалниот сектор.

ПРВА И ВТОРА НАГРАДА ЗА БАЛЕРИНИТЕ ОД ДМБУЦ „ИЛИЈА НИКОЛОВСКИ-ЛУЈ“ НА МЕЃУНАРОДНИОТ БАЛЕТСКИ НАТПРЕВАР „МИА ЧОРАК СЛАВЕНСКА“ ВО ХРВАТСКА

ОД ЕВРОПСКА ГЛЕДНА ТОЧКА: ВИРТУЕЛНАТА КОМПАНИЈА ОД СОУ „ЃОРЧЕ ПЕТРОВ“ – ПРИЛЕП, ПЛАСИРАНА НА ЕВРОПСКИОТ НАТПРЕВАР ЗА ПРЕТПРИЕМНИШТВО ВО ИТАЛИЈА

Приказна на Виктор Анѓелов, дипломиран машински инженер, раководител на погон Алатница и сертифициран ментор за практична обука на ученици во компанијата „Руен Инокс Автомобиле“, Кочани