СОУ „ЃОРЧЕ ПЕТРОВ“ ОД ПРИЛЕП ГИ ПРЕТСТАВИ СВОИТЕ АТРАКТИВНИ КВАЛИФИКАЦИИ ПРЕД ДЕВЕТТООДДЕЛЕНЦИТЕ

Непосредно пред големиот празник на Сесловенските просветители, светите браќа Кирил и Методиј, средното општинско училиште „Ѓорче Петров“ од Прилеп, организираше Отворен ден во просториите на училиштето. Во холот на училиштето беа поставени промотивни штандови за сите струки/сектори.  Посетителите имаа можност, непосредно, во разговор со наставниот кадар и со учениците да се запознаат со дејноста, како и со долгогодишната традиција, мисија и визија на СОУ „Ѓорче Петров“ од Прилеп.

Отворениот ден беше наменет за деветтооделенците од основните училишта во Р.С.Македонија и нивните наставници, но и убава можност за сите што сакаа да се запознаат со програмите и струките на училиштето. Во СОУ „Горче Петров“ има две дуални паралелки: една од текстилен сектор, а другата рударско-геолошкиот сектор.

На отворениот ден беа присутни и претставници од компаниите со кои соработува училиштето, кои исто така имаа можност да ја презентираат дејноста со која се занимава компанијата со цел да се доближат до учениците и да ја предизвикаат нивната заинтересираност за запишување на соодветна квалификација што ја нуди училиштето.